تہران ( پاک ترک نیوز) ایران پر اسرائیل نے جارحیت کرتے ہوئے حملہ کردیا ۔تہران دھماکوں سے گونج اٹھا ۔متعد دمقامات پر میزائل گرے ہیں ۔
تفصیلات کےمطابق اسرائیل کی جانب سے ایران پر جارحیت کرتے ہوئے حملہ کیا گیا ہے ، ایران کے دارالحکومت تہران میں متعدد مقامات پر دھماکے سنے گئے ہیں ۔ تہران میں تین دھماکے سنے گئے ہیں ۔ ایرانی دارالحکومت میں دھویں بادل اٹھ رہے ہیں ۔
اسرائیل کے ورزیر دفاع کا کہنا ہے کہ ایران پر پیشگی حملہ کردیا گیا ہے۔ ابھی تک کسی جانی نقصان کی اطلاع نہیں ملی ہے ۔
دوسری جانب مقبوضہ بیت المقدس میں سائرن بجنے لگے ہیں ۔
پاکستانی وزارت خارجہ نے شہریوں کے لیے ایران کے سفر کے حوالے سے ہدایت نامہ جاری کر دیا ہے، پاکستانی شہریوں کو ایران کے ہر قسم کے سفر سے گریز کا مشورہ دیا گیا ہے، ایران میں مقیم پاکستانی شہریوں کو احتیاط برتنے اور چوکس رہنے کی ہدایت کی گئی ہے۔
ایران میں حملے کے بعد اسرائیل میں اسکول بند اور شہریوں کو گھروں میں رہنے کی ہدایت جاری کردی گئی ہیں۔
