بیجنگ ( پاک ترک نیوز) کیایا آپ یقین کریں گے کہ ایک ملک نے صرف چند دہائیوں میں 66 ارب درخت لگا کر دنیا کو حیران کر دیا؟ کیا واقعی صحرا کو سبز جنگل میں بدلا جا سکتا ہے؟ اور کیا یہی منصوبہ مستقبل میں موسمیاتی تبدیلی کا سب سے بڑا حل ثابت ہوگا؟
ناظرین! دنیا بھر میں موسمیاتی تبدیلی اور بڑھتی ہوئی گرمی نے خطرے کی گھنٹیاں بجا دی ہیں، لیکن ایک ملک ایسا بھی ہے جس نے اس چیلنج کا جواب اربوں درخت لگا کر دیا۔
جی ہاں، چین دنیا میں سب سے زیادہ درخت لگانے والا ملک بن چکا ہے۔ چین نے 1978ء سے اب تک تقریباً 66 ارب درخت لگا دیے ہیں۔ یہ شجرکاری ایک ایسے منصوبے کا حصہ ہے جس کا مقصد گوبی اور تکلامکان جیسے وسیع صحراؤں کے پھیلاؤ کو روکنا اور بنجر زمین کو دوبارہ سرسبز بنانا ہے۔
چین کا یہ منصوبہ 2050ء تک جاری رہے گا، جبکہ حکومتی اعداد و شمار کے مطابق 2024ء تک تکلامکان صحرا کے گرد تقریباً 3 ہزار کلومیٹر طویل سبز پٹی مکمل کی جا چکی ہے۔ حیران کن طور پر ملک میں جنگلات کا رقبہ 10 فیصد سے بڑھ کر 25 فیصد تک پہنچ گیا
چینی حکومت کے مطابق 2024ء تک تکلامکان صحرا کے گرد تقریباً 3 ہزار کلومیٹر طویل سبز پٹی مکمل کی جا چکی ہے، جبکہ ملک میں جنگلات کا رقبہ 1949ء کے 10 فیصد سے بڑھ کر 2024ء میں 25 فیصد تک پہنچ گیا ہے۔
صرف یہی نہیں، 2026ء میں شائع ہونے والی ایک سائنسی تحقیق نے بھی دنیا کو چونکا دیا۔ سیٹلائٹ تصاویر سے معلوم ہوا کہ چین کے لگائے گئے جنگلات میں پتوں کی افزائش قدرتی جنگلات کے مقابلے میں کہیں زیادہ تیزی سے ہو رہی ہے۔
یہ بھی پڑھیں: پٹرولیم مصنوعات کی قیمتوں کا روزانہ تعین عوام پر بھاری
ماہرین کے مطابق مصنوعی جنگلات میں درختوں کا بڑھتا پن 66 فیصد زیادہ تیز دیکھا گیا، اگرچہ درختوں کی عمر اور موسم کو مدنظر رکھنے کے بعد یہ فرق 4.6 فیصد رہ جاتا ہے۔ اس کی بڑی وجہ یہ ہے کہ چین نے تیزی سے بڑھنے والی اقسام جیسے پاپلر اور یوکلپٹس لگائے اور ان کی مسلسل دیکھ بھال بھی کی۔
تاہم تصویر کا دوسرا رخ بھی موجود ہے۔ 2000ء میں بیماری کے باعث تقریباً ایک ارب پاپلر درخت تباہ ہو گئے، جبکہ ایک تحقیق کے مطابق ابتدائی برسوں میں لگائے گئے تمام جنگلات طویل مدت تک برقرار نہیں رہ سکے۔
صرف چین ہی نہیں، بھارت بھی شجرکاری میں نمایاں ہے جہاں 35 سے 40 ارب سے زائد درخت لگائے جا چکے ہیں، جبکہ ایتھوپیا نے 40 ارب سے زائد درخت لگانے کا دعویٰ کیا ہے۔
پاکستان میں بھی بلین ٹری اور ٹین بلین ٹری منصوبوں کے تحت 2 ارب سے زائد درخت لگائے جا چکے ہیں، جبکہ ترکیہ تقریباً 7 ارب درخت لگا چکا ہے۔ دوسری جانب سعودی عرب نے بھی 10 ارب درخت لگانے کا ہدف مقرر کر رکھا ہے۔
