لاہور: (پاک ترک نیوز)پاکستان سپر لیگ (پی ایس ایل) 2026 ء میں پہلی مرتبہ کھلاڑیوں کی سلیکشن ڈرافٹ کے بجائے آکشن کے ذریعے کی گئی، جس نے لیگ کے نظام میں ایک نئی تاریخ رقم کر دی۔ ایکسپو سینٹر لاہور میں ہونے والی تقریب میں آٹھ ٹیموں کے لیے کھلاڑیوں کی بولی جاری رہی اور شائقین کو دلچسپ لمحات دیکھنے کو ملے۔
آل راؤنڈرز کی پہلی لاٹ میں فہیم اشرف سب سے مہنگے کھلاڑی بن گئے، جنہیں اسلام آباد یونائیٹڈ نے 8 کروڑ 50 لاکھ روپے میں حاصل کیا۔ تاہم کچھ نامور آل راؤنڈرز جیسے عماد وسیم، محمد جنید اور مہدی حسن میراز پر کسی فرنچائز نے بولی نہیں لگائی۔
دوسری لاٹ میں آسٹریلیا کے ڈیوڈ وارنر کو کراچی کنگز نے 7 کروڑ 90 لاکھ روپے میں خریدا جبکہ سابق جنوبی افریقی کھلاڑی رائیلی روسو کو کوئٹہ گلیڈی ایٹرز نے 5 کروڑ 55 لاکھ روپے میں لیا۔ نوجوان کھلاڑی جہانزیب سلطان کو سیالکوٹ سٹالینز نے 60 لاکھ روپے میں خرید لیا۔
تیسری لاٹ میں محمد علی کو حیدرآباد نے 2 کروڑ 15 لاکھ میں سائن کیا، جبکہ حارث رؤف کی قیمت پر لاہور قلندرز نے 7 کروڑ 60 لاکھ کی بولی جیت کر واپس حاصل کیا۔ انگلینڈ کے کرس جارڈن کے لیے کسی فرنچائز نے دلچسپی نہیں ظاہر کی۔
چیئرمین پی سی بی محسن نقوی نے تقریب میں شرکت کی اور فرنچائز مالکان کا استقبال کیا۔ انہوں نے سب کو ٹی 20 ورلڈ کپ 2026 کی اسپیشل کسٹمائزڈ ٹی شرٹس تحفے میں دی۔
مزید بولی کے دوران نوجوان تیز گیند باز نسیم شاہ کو 8 کروڑ 65 لاکھ میں راولپنڈی نے خریدا جبکہ وکٹ کیپر بلے باز اعظم خان کراچی کنگز کے حصے میں آئے اور 3 کروڑ 25 لاکھ میں منتخب ہوئے۔ پاکستان کے جارح مزاج آل راؤنڈر صاحبزادہ فرحان کو سیالکوٹ سٹالینز نے 5 کروڑ 70 لاکھ میں حاصل کیا۔
پی ایس ایل 2026ء : پہلی بار پلیئرز آکشن کے ذریعے کھلاڑی منتخب، فہیم اشرف سب سے مہنگے کھلاڑی
