آر اے شمشاد
پاکستان اورسری لنکا کی ٹیمیں تین میچوں پر مشتمل سیریز کے آخری ایک روزہ میچ میں کل مد مقابل آئیں گی ۔ شاہینوں نے آئی لینڈرز کیخلاف کلین سوئپ پر نظریں جمالیں ۔
راولپنڈی میں پاکستان اور سری لنکا کی ٹیمیں تیسرے ون ڈے میں کل مد مقابل آئیں گی۔ پاکستانی وقت کے مطابق یہ میچ دن 2بجکر 30منٹ پر شروع ہوگا۔
پاکستان نے پہلے ہی دونوں میچز جیت کر پہلے ہی سیریز اپنے نام کرلی ہے ۔پاکستان نے پہلے ون ڈے میں سری لنکا کو سنسنی خیز مقابلے کے بعد 6رنز سے شکست دی تھی جبکہ گزشتہ روز دوسرے کھیلے گئے میچ میں شاہینوں نے آئی لینڈرز کو 8وکٹوں سے ہرایا تھا اور سیریز اپنے نام کی تھی ۔
قومی کرکٹ ٹیم کے بلے باز بابر اعظم کی طویل انتظار کے بعد فارم میں واپسی ہوئی ہےاورانہوں نے 83اننگز کے بعد انٹرنیشنل میچ میں سنچری سکور کی ہے ۔ قومی بیٹر بابر اعظم پاکستان کی جانب سے 20سنچریاں سکورکر کے سابق لیجنڈری بلے باز سعید انورکےہم پلہ ہوگئے ہیں ۔
قومی بلے باز بابر اعظم نے 139 میچوں کی 136 اننگز میں یہ اعزاز حاصل کیا، انہوں نے 37 نصف سنچریاں کی مدد سے 53.89 کی اوسط سے 6 ہزار 467 رنز بنا چکے ہیں۔
