لاہور:(پاک ترک نیوز)پاکستان کرکٹ بورڈنے لاہور کے قذافی اسٹیڈیم میں 29 جنوری سے 1 فروری تک کھیلی جانے والی پاکستان اور آسٹریلیا کے درمیان تین میچوں کی ٹی ٹوئنٹی سیریز کے لیے میچ آفیشلز کا اعلان کر دیا ہے۔
تمام میچز پاکستانی وقت کے مطابق شام 4 بجے شروع ہوں گے جبکہ ٹاس کا وقت 3:30 بجے مقرر کیا گیا ہے۔
آئی سی سی انٹرنیشنل پینل کے میچ ریفری علی نقوی تمام تین میچز میں میچ کنٹرول ٹیم کی قیادت کریں گے۔ دوسرے میچ میں یہ ان کا ٹی ٹوئنٹی فارمیٹ میں 50 واں ریفری کا میچ ہوگا، جبکہ انہوں نے اپنا پہلا ٹی ٹوئنٹی میچ اسی اسٹیڈیم میں اپریل 2023 میں سنبھالا تھا۔
آئی سی سی ایلیٹ پینل کے رکن احسن رضا پہلے دو ٹی ٹوئنٹی میچز میں آن فیلڈ امپائر ہوں گے، جبکہ آئی سی سی ایمرجنگ پینل کے آصف یعقوب اور آئی سی سی انٹرنیشنل پینل کے رشید ریاض پہلے اور دوسرے میچ میں ان کے ساتھ آن فیلڈ امپائر کے فرائض انجام دیں گے۔
پہلے میچ میں چوتھے امپائر کی حیثیت سے شامل رشید ریاض تیسرے میچ میں ناصر حسین کے ساتھ آن فیلڈ ذمہ داریاں سنبھالیں گے، جبکہ پی سی بی نیشنل ایلیٹ پینل کے رکن ذوالفقار جان تیسرے میچ میں چوتھے امپائر ہوں گے۔
دوسرے میچ میں ناصر حسین چوتھے امپائر کی حیثیت سے شامل ہوں گے جبکہ پہلے میچ میں تیسرے امپائر کے فرائض سر انجام دیں گے۔
آصف یعقوب اور پی سی بی نیشنل ایلیٹ پینل کے طارق رشید دوسرے اور تیسرے میچ میں تیسرے امپائر کے فرائض انجام دیں گے۔
پاکستان-آسٹریلیا ٹی ٹوئنٹی سیریز کے لیے امپائرز اور ریفریز کا اعلان
