اسلام آباد ( پاک ترک نیوز) چیئرمین پیپلز پارٹی بلاول بھٹو زرداری کا کہنا ہے ایک وفاقی وزیر نے آگ بجھانے کی بجائے اسے مزید بھڑکایا،چند وزیر وزیراعظم کے لیے مشکلات پیدا کرتے ہیں ،کچھ وزیر ایسے مشورے دیتے ہیں کہ کام میں مشکلات ہوتی ہیں۔
بلاول بھٹو زرداری نے کہا ایسے وزیر کیوں ہیں جو کہیں کہ راولا کوٹ کے شہری کشمیری نہیں۔ ،،وہ وزیر آج تک معافی مانگنے کو تیار نہیں۔
قومی اسمبلی میں اظہار خیال کرتے ہوئے بلاول بھٹو نے کہا وزیراعظم اپنی کابینہ کے ارکان کو کنٹرول کریں ،احتجاج کرنے والوں کے لیے سیاسی راستہ اپنایا جائے۔
بلاول بھٹو نے کہا معاملے کے حل کے لیے ہمیں مولانا فضل الرحمان کو اسپیس دینی چاہیئے۔پاکستان کو معاشی اور سیاسی فائدہ دلانے کے لیے متحد ہونا ہو گا۔
چیئرمین پیپلز پارٹی بلاول بھٹو زرداری نے ملک بھر میں بلدیاتی انتخابات کا مطالبہ کر دیا ،کہتے ہیں کوئی بھی ترمیم لانے سے پہلے بلدیاتی انتخابات کرائیں ۔
یہ بھی پڑھیں: غیرہنرمندکووہ مقام نہیں ملتا جو ہنرمند افرادکوملتاہے،وزیراعلیٰ پنجاب
بلاول بھٹو نے کہا بلدیاتی نظام صرف بہانہ ہے ،۔ کراچی کے نمائندوں کو بلدیاتی نظام کا لالی پاپ دیا جاتا ہے ۔ آپ کب تک اس لالی پاپ پر چلیں گے ، ایم کیو ایم کے مطالبات نہیں مانے جاتے تو حکومت سے نکل جائے۔
بلاول بھٹو نے کہا کراچی میں جوبلدیاتی نظام ہے ،وہ ذرا لاہور میں لائیں ،،گلگت بلتستان میں نوے دن کے اندر بلدیاتی انتخابات کرائیں گے۔
