پاکستان سٹاک مارکیٹ نے ایک اور سنگ میل عبور کر لیا

کراچی(پاک ترک نیوز ) پاکستان سٹاک مارکیٹ ایک بار پھر تاریخ کی بلند ترین سطح پر پہنچ گئی۔
تفصیلات کے مطابق کاروباری ہفتے کے پانچویں اور آخری روز سٹاک ایکسچینج میں ہنڈرڈ انڈیکس ایک لاکھ 40 ہزار پوائنٹس کی حد عبور کر گیا۔
پاکستان سٹاک مارکیٹ میں ٹریڈنگ کے دوران ہنڈرڈ انڈیکس 1900 سے زائد پوائنٹس کے اضافے کے ساتھ ایک لاکھ 40 ہزار 585 پوائنٹس کی بلند ترین سطح پر پہنچ گیا۔
پاکستان سٹاک ایکسچینج کے پہلے ٹریڈنگ سیشن میں 100 انڈیکس نے برق رفتاری سے 3 نئے ریکارڈ قائم کئے، انڈیکس 122 پوائنٹس بڑھ کر ایک لاکھ 38 ہزار 788 پوائنٹس کی ریکارڈ حد پر گرین زون میں بند ہوا۔
سٹاک مارکیٹ کے پہلے ٹریڈنگ سیشن میں 30 کروڑ مالیت شیئرز کا کاروباری حجم 18 ارب روپے سے زائد رہا۔
یاد رہے کہ گزشتہ کاروباری روز کے اختتام پر سٹاک ایکسچینج میں ہنڈرڈ انڈیکس 2285 پوائنٹس کے اضافے کیساتھ پہلی بار ایک لاکھ 38 ہزار 665 پوائنٹس کی تاریخی حد پر بند ہوا تھا۔