اسلام آباد( پاک ترک نیوز) پاکستان نے امریکہ اور ایران کے درمیان کشیدگی پر اظہار تشویش کیا ہے اور فریقین کو تحمل کا مظاہرہ کرنے پر زور دیا ہے ۔ ترجمان دفتر خارجہ طاہر حسین اندرابی کہتے ہیں پاکستان علاقائی صورتحال پر نظر رکھے ہوئے ہے۔ پاکستان قیام امن کے لیے اپنے موقف کا اعادہ کرتا ہے ۔
ترجمان دفتر خارجہ طاہر حسین اندرابی نے کہا پاکستان کے نزدیک امن اور اسحکام کے سوا کوئی متبادل نہیں ، پاکستان تمام فریقین کو جنگ سے گریز کی ترغیب دیتا رہے گا،امید ہے فریقین تنازعات کے پرامن حل کے لیے اپنے عزم پر قائم رہیں گے ۔
ترجمان دفتر خارجہ کا کہناہے پاکستان مسائل کے حل کے لیے مذاکرات پر یقین رکھتا ہے۔۔ اسلام آباد مفاہمتی یادداشت پر عمل درآمد جاری رہنا چاہیئے،تنازع کو میز پر ہی حل کرنا چاہیئے۔
یہ بھی پڑھیں: ایران امریکا کے ساتھ معاملہ طے کرنا چاہتا ہے،ڈونلڈ ٹرمپ
ترجمان دفتر خارجہ نے کہا تنازع کسی کے مفاد میں نہیں ۔ پاکستان چاہتا ہے کشیدگی ختم ہو اور تکنیکی مذاکرات شروع ہوں ۔،ایرانی صدر مسعود پزشکیان نے بھی پاکستانی کوششوں کو سراہا ہے ۔
ترجمان دفتر خارجہ طاہر حسین اندرابی نے کہا آبنائے ہرمز میں غیر معمولی صورتحال سے گلوبل ساؤتھ ممالک متاثر ہو رہے ہیں ، امید ہے آبنائے ہرمز میں صورتحال جلد نارمل ہو جائےگی۔پاکستان آبنائے ہرمز سے تجارت ،پٹرولیم مصنوعات کی با آسانی فراہمی پر یقین رکھتا ہے
