انڈر19ایشیا کپ :پاکستان نے یو اے ای کو جیت کیلئے 242رنز کاہدف دیدیا

دبئی ( پاک ترک نیوز) انڈر 19ایشیا کپ کے اہم میچ میں پاکستان نے یو اے ای کو جیت کیلئے 242رنز کا ہدف دیدیا۔
دبئی میں کھیلے جا رہے ایشیا کپ انڈر 19کے اہم میچ میں پاکستان نے پہلے بیٹنگ کرتےہوئے 9وکٹوں کے نقصان پر241رنز سکور کئے ۔
پاکستان کی جانب سے احمد حسن نے 65جبکہ سمیر منہاس نے 44رنز بنائے ۔
یو اے ای کی جانب سے شرما نے تین جبکہ نسیم خان نے 2کھلاڑیوں کو آئوٹ کیا ۔
واضح رہے کہ سیمی فائنل میں رسائی کیلئے دونوں ٹیموں کیلئے یہ انتہائی اہم میچ ہے جیتنےوالی ٹیم سیمی فائنل میں جائے گی جبکہ شکست کھانے والی ٹیم ٹورنامنٹ سے باہرہوجائے گی۔
گروپ اے میں بھارت پہلےہی سیمی فائنل کا ٹکٹ کٹوا چکا ہے جبکہ گروپ بی میں سری لنکا اور بنگلہ دیش کی ٹیمیں سیمی فائنل میں پہنچ چکی ہیں ۔