فیصل آباد ( پاک ترک نیوز) پاکستان اور سائوتھ افریقہ کے درمیان تین میچوں پر مشتمل سیریز کے تیسرے اور فیصلہ کن ون ڈے میں سائوتھ افریقہ نے پاکستان کو جیت کیلئے 144رنز کا ہدف دیدیا۔
تفصیلات کےمطابق فیصل آباد کے اقبال سٹیڈیم میں کھیلے جا رہے سیریز کے تیسرے اور فیصلہ کن ایک روزہ میچ میں جنوبی افریقہ نے ٹاس جیت کر پہلے بیٹنگ کا فیصلہ کیا ۔
ڈی کاک اورپٹوریس نے اچھا آغاز فراہم کیا ۔تاہم سائوتھ افریقہ کی وقفے وقفے سے وکٹیں گرنے کا سلسلہ شروع ہو گیا اور پوری ٹیم 37.5اوورز میں 143رنز بنا کر پویلین لوٹ گئی ۔
سائوتھ افریقہ کی جانب سے ڈی کاک نے 53،پٹوریس نے 39رنز بنائے ۔ پاکستان کی جانب سے ابرار احمد نے 4،شاہین ،محمد نواز اور سلمان علی آغا نے دو دو کٹیں حاصل کیں۔
واضح رہے کہ تین میچوں کی سیریز ایک ایک سے برابر ہے ۔ پہلے ایک روزہ میچ میں پاکستان نے سائوتھ افریقہ کو 2وکٹیں سے شکست دی تھی ۔ پروٹیز نے دوسرے ایک روزہ میچ میں شاہینوں کیخلاف فتح سمیٹی تھی ۔
یاد رہے کہ اس سے قبل تین ٹی ٹونٹی میچوں پر مشتمل سیریز میں پاکستان دو ایک سے کامیابی حاصل کی تھی جبکہ قبل ازیں دو میچوں پر مشتمل ٹیسٹ سیریز ایک ایک سے برابر تھی۔
فیصلہ کن ون ڈے :جنوبی افریقہ نے پاکستان کو جیت کیلئے 144رنز کا ہدف دیدیا
