پشاور ( پاک ترک نیوز) پشاور میں دیر کالونی اسکول سانحے کی تحقیقات تاحال جاری ہیں، واقعے کے مقدمے میں نامزد ملزمان کی تعداد چار ہوگئی ہے، جبکہ مزید تین ملزمان کی گرفتاری کے لیے چھاپے مارے جا رہے ہیں۔تفتیشی ٹیم کے ذرائع کے مطابق اسکول کے مالک کے علاوہ مقدمے میں نامزد کیے گئے تین دیگر افراد اسکول مالک کے مبینہ شراکت دار ہیں۔ نامزد ملزمان گھروں سے فرار ہیں، جن کی گرفتاری کے لیے کوششیں جاری ہیں۔
ذرائع کا کہنا ہے کہ تمام نامزد ملزمان کو گرفتار کرکے شاملِ تفتیش کیا جائے گا، جس کے بعد تحقیقات کو مزید آگے بڑھایا جائے گا اور واقعے سے متعلق مزید حقائق سامنے آنے کی توقع ہے۔تفتیشی ٹیم کے ذرائع کے مطابق واقعے کے مقدمے میں دہشت گردی کی دفعات شامل نہیں کی گئیں۔
یہ بھی پڑھیں:وزیراعظم شہباز شریف رواں ہفتے پشاور کا دورہ کریں گے
واضح رہے کہ دیر کالونی اسکول سانحے میں ایک استاد سمیت 34 بچے جاں بحق ہوئے تھے۔ واقعے کے اسباب، ذمہ داران کے تعین اور غفلت کے ممکنہ پہلوؤں کی تحقیقات جاری ہیں۔
