راولپنڈی (پاک ترک نیوز )راولپنڈی کی اڈیالہ جیل میں بانی پی ٹی آئی سے ملاقات کا مقررہ وقت ختم ہوگیا، تاہم کسی بھی پارٹی رہنماوں کو ملاقات کی اجازت نہیں ملی۔
بانی پی ٹی آئی سے ملاقات کے لیے آنے والے تمام رہنما ڈاہگل ناکے کے قریب سے واپس روانہ ہوگئے۔
رضوان مجید بٹ کے مطابق وہ آج پانچ افراد کے ہمراہ بانی پی ٹی آئی سے ملاقات کے لیے آئے تھے۔ ان کا کہنا تھا کہ ان کے پاس ہائی کورٹ کا حکم موجود تھا، اس کے باوجود ملاقات کی اجازت نہیں دی گئی۔
رضوان مجید بٹ نے کہا کہ وہ اس سے قبل بھی توہینِ عدالت کی درخواست دائر کرچکے ہیں اور اب دوبارہ عدالت سے رجوع کریں گے۔
دوسری جانب ملاقات کی فہرست میں شامل برکت اللہ ذاتی مصروفیات کے باعث ملاقات کے لیے نہیں آسکے۔
پارٹی رہنماؤں کو بانی پی ٹی آئی سے ملاقات کی اجازت نہ دی گئی
