واشنگٹن (پاک ترک نیوز) امریکی صدر ڈونلڈ ٹرمپ نے دعویٰ کیا ہے کہ ایران کا معاملہ جلد کسی نہ کسی صورت میں ختم ہو جائے گا، جبکہ امریکا نے ایران کی مؤثر ناکہ بندی کر رکھی ہے اور کوئی جہاز امریکی اجازت کے بغیر نہیں گزر سکتا۔کولمبس ڈے کی تقریب سے خطاب کرتے ہوئے ڈونلڈ ٹرمپ نے کہا کہ آبنائے ہرمز جلد کھل جائے گی، جبکہ وہ ڈیزل کے حوالے سے بھی بڑا اعلان کرنے والے ہیں۔امریکی صدر نے دعویٰ کیا کہ امریکا نے ایران کو جوہری ہتھیار حاصل کرنے سے روک دیا ہے۔ ان کے مطابق گزشتہ روز جنگ شروع ہونے کے بعد آبنائے ہرمز سے سب سے زیادہ تیل گزارا گیا اور وہاں سے دو کروڑ 80 لاکھ بیرل تیل گزرا۔
یہ بھی پڑھیں: خیبرپختونخوا میں گورنر راج یا ایمرجنسی؟ اہم اجلاس آج ہوگا
ڈونلڈ ٹرمپ نے کہا کہ اگر ایران کے پاس جوہری ہتھیار ہوتے تو وہ اسرائیل کو تباہ کر چکا ہوتا۔ ان کا کہنا تھا کہ امریکا کا مؤقف واضح ہے کہ ایران کسی صورت جوہری ہتھیار نہیں رکھ سکتا۔
