لاہور( پاک ترک نیوز) سفاری پارک میں موجود ہتھنی مدھو بالا کی طبیعت بگڑنے پر ماہرینِ حیوانات کی ٹیم پہنچ گئی، ڈاکٹر خلیل کی سربراہی میں فورپاز کی ٹیم نے مدھو بالا کا طبی معائنہ کیا۔
ذرائع کے مطابق مدھو بالا گزشتہ سال سے مختلف بیماریوں میں مبتلا ہے، مسلسل علالت اور کمزوری کے باعث ہتھنی کی صحت متاثر ہو چکی ہے، جبکہ اسے کھڑے ہونے میں بھی دشواری کا سامنا ہے۔
مدھو بالا کو گزشتہ ماہ سے جسمانی طاقت بحال کرنے کے لیے کثیرالاجزا وٹامنز اور ادویات دی جا رہی ہیں۔ ہتھنی کی بگڑتی ہوئی صحت کے پیشِ نظر فورپاز کی ٹیم اس کا تفصیلی طبی معائنہ کرے گی تاکہ اس کی بیماری اور علاج کے حوالے سے مزید اقدامات کیے جا سکیں۔
یہ بھی پڑھیں: بیٹ مین سے ونڈر وومن تک، ڈی سی کی نئی فلموں کی تیاری شروع
دوسری جانب ذرائع کا کہنا ہے کہ کراچی میٹروپولیٹن کارپوریشن کی جانب سے مدھو بالا کے علاج کے لیے فنڈز مختص نہیں کیے گئے۔ ذرائع کے مطابق ہتھنی کے علاج پر اب تک ایک کروڑ روپے سے زائد خرچ کیے جا چکے ہیں۔
