تہران ( پاک ترک نیوز) ایرانی پاسدارانِ انقلاب کے سینئر کمانڈر ریئر ایڈمرل علی فدوی نے دعویٰ کیا ہے کہ امریکی افواج ایران کی سرحدوں سے ایک ہزار کلومیٹر پیچھے ہٹ گئی ہیں۔ایرانی میڈیا کے مطابق ایک ٹی وی انٹرویو میں علی فدوی نے کہا کہ امریکی فوج نے اپنی مرضی سے نہیں بلکہ ایران اور پاسدارانِ انقلاب کی زمینی فورس کی طاقت کے باعث اپنی پوزیشن پیچھے کی۔ایرانی کمانڈر کا دعویٰ ہے کہ پہلی مرتبہ خلیج، آبنائے ہرمز، بحیرۂ عمان اور شمالی بحرِ ہند میں امریکی بحری جہاز موجود نہیں ہیں۔
علی فدوی نے مزید کہا کہ امریکی جنگی جہاز پاسدارانِ انقلاب کے مکمل نشانے پر ہیں۔ان کے مطابق آبنائے ہرمز بدستور ایران کے کنٹرول میں ہے، جبکہ پاسدارانِ انقلاب کی بحریہ نے امریکی نگرانی میں آبنائے ہرمز کے جنوبی راستے سے گزرنے والے بحری جہازوں کو خبردار کیا ہے کہ انہیں کسی بھی وقت نشانہ بنایا جاسکتا ہے۔
یہ بھی پڑھیں: جنوبی بلوچستان میں غیر قانونی افغان باشندوں کے خلاف کارروائیاں، 435 گرفتار
ایرانی کمانڈر کے مطابق آبنائے ہرمز کے جنوبی راستے سے اس وقت روزانہ صرف 30 سے 40 لاجنوبی بلوچستان میں غیر قانونی افغان باشندوں کے خلاف کارروائیاں، 435 گرفتار
کھ بیرل تیل منتقل کیا جارہا ہے، جو جنگ سے پہلے کی روزانہ ترسیل کے مقابلے میں انتہائی کم ہے۔علی فدوی نے امریکی فوجی کارروائی کی دھمکیوں کو بھی مسترد کرتے ہوئے کہا کہ امریکا افغانستان اور عراق میں ناکام رہا اور ایک بار پھر ناکام ہوگا۔
