سان فرانسسکو(پاک ترک نیوز) چیٹ جی پی ٹی کی خالق کمپنی اوپن اے آئی نے اعلان کیا ہے کہ وہ اپنے مصنوعی ذہانت (اے آئی) کے جدید ترین ماڈل آسڑا 6.1کو جاری نہیں کرے گی۔ اس فیصلے کی وجہ اندرونی جانچ کے دوران یہ پتا چلنا ہے کہ یہ ماڈل حفاظتی معیارات پر پورا نہیں اترا۔
کمپنی نے پیر کے روز جاری ہونے والے اپنے بیان میں آسٹرا 6.1کے اجرا میں تاخیر کی تصدیق کی ہے۔یہ خبر سان فرانسسکو میں اوپن اے آئی کی سالانہ ڈویلپر کانفرنس جسے اوپن اے آئی ۔ترقی کا دن کے نام سے موسوم کیا گیا ہے کے انعقاد سے ایک دن قبل سامنے آئی ہے۔ اس کانفرنس میں کمپنی کی جانب سے کئی اہم اعلانات متوقع ہیں۔ اگرچہ یہ واضح نہیں ہے کہ آیا ان میں آسٹرا کا نیا ورژن بھی شامل ہوگا۔
یہ بھی پڑھیں: بیجنگ ایشیا میں رات کی زندگی کے لیے دوسرا بہترین شہر قرار
اوپن اے آئی میں سیفٹی سسٹمز کی سربراہ، ساچی جین نے ایک بیان میں کہا ہےکہ اگرچہ آسٹرا 6.1کچھ پہلوؤں میں گزشتہ ماڈلز کے مقابلے میں بہتر تھا۔مگر "یہ طے شدہ دائرہ کار اور اجازت نامے کی حدود میں رہنے، اور اپنے کیے گئے کام کی نوعیت کے بارے میں صارف کو آگاہ کرنے کے معاملے میں مطلوبہ معیار پر پورا نہیں اتر سکا۔”
