اسلام آباد ( پاک ترک نیوز) اسلام آباد کے پمز اسپتال کی نرسری میں خوفناک آتشزدگی کے نتیجے میں 14 نومولود بچے جھلس کر جاں بحق ہوگئے۔ریسکیو ذرائع کے مطابق آگ صبح 7 بجے سے پہلے نرسری میں ایئرکنڈیشن کے کمپریسر پھٹنے سے لگی۔ آگ نے دیکھتے ہی دیکھتے نرسری کو اپنی لپیٹ میں لے لیا۔ریسکیو ٹیموں نے کارروائی کرتے ہوئے آگ پر قابو پالیا، جبکہ کولنگ کا عمل جاری ہے۔ پمز اسپتال سے 19 افراد کو بحفاظت ریسکیو کرلیا گیا۔
عینی شاہدخواتین کا کہنا ہے فائر بریگیڈ کا عملہ ڈیڑھ سے دو گھنٹے تاخیر سے پہنچا،آگ لگنےکے بعد بھگدڑ مچ گئی ،ہم اپنے بچوں کو نرسری سے لے کر بھاگے،سامان وہیں رہ گیا ،دھویں کی وجہ سے کچھ نظر نہیں آ رہا تھاادھر پمز ہسپتال میں آتشزدگی کی تحقیقات کے لیے انکوائری کمیٹی تشکیل دے دی گئی۔سربراہی ایڈیشنل ڈپٹی کمشنر جنرل کریں گے۔
یہ بھی پڑھیں: سعودی عرب کے ساتھ اسٹریٹجک اقتصادی شراکت داری چاہتے ہیں،وزیراعظم
کمیٹی آگ لگنے کی وجوہات اور امدادی ٹیموں کے رسپانس ٹائم کا تعین کرے گی،چلڈرن وارڈ میں سہولیات کے حوالے سے جائزہ لیا جائے گا۔لواحقین کے بیانات اور اسپتال انتظامیہ کا موقف بھی لیا جائے گا۔انکوائری کمیٹی تحقیقات کے بعد رپورٹ پیش کرے گی۔
