تہران ( پاک ترک نیوز) ایران کی پارلیمنٹ کے اسپیکر محمد باقر قالیباف نے امریکی صدر ڈونلڈ ٹرمپ کو خبردار کیا ہے کہ ایران کو عالمی معیشت سے الگ تھلگ کرنے کی نئی امریکی مہم کے نتائج خود امریکا کو بھگتنا پڑ سکتے ہیں۔
قالیباف نے سوشل میڈیا پلیٹ فارم ایکس پر اپنی پوسٹ میں امریکی صدر کی معاشی پالیسیوں پر تنقید کرتے ہوئے کہا کہ ایران پر دباؤ اور توانائی کی عالمی منڈیوں میں ممکنہ رکاوٹیں امریکی ٹیکس دہندگان اور کاروباری اداروں کے لیے نقصان دہ ثابت ہوسکتی ہیں۔
یہ بھی پڑھیں: امریکا کی ایران پر آج سے معاشی پابندیاں
انہوں نے ٹرمپ کے مجوزہ اقدامات کو ایرانی مؤقف کے مطابق ’’اقتصادی دہشت گردی‘‘ قرار دیتے ہوئے کہا کہ ایران کے خلاف امریکی معاشی دباؤ کا بومرینگ بالآخر امریکا کی جانب واپس آ سکتا ہے۔
