اسلام آباد ( پاک ترک نیوز) بانی پی ٹی آئی کو اڈیالہ جیل سے شفا انٹرنیشنل ہسپتال منتقل کرنے کے معاملے پر تحریک انصاف نے سپریم کورٹ میں دائر توہین عدالت کی درخواست پر جلد سماعت مقرر کرانے کی کوششیں تیز کردی ہیں۔چیئرمین تحریک انصاف بیرسٹر گوہر علی خان سپریم کورٹ پہنچے، جہاں انہوں نے چیف جسٹس سے ملاقات کی کوشش کی، تاہم چیف جسٹس کی مصروفیت کے باعث ملاقات نہ ہوسکی۔
بیرسٹر گوہر کے مطابق ان کی اور لطیف کھوسہ کی سپریم کورٹ کے رجسٹرار سے ملاقات ہوئی ہے۔ رجسٹرار نے بینچ کی تشکیل کے حوالے سے یقین دہانی کرائی ہے، جبکہ آن لائن بھی بینچ تشکیل دیا جاسکتا ہے۔
یہ بھی پڑھیں: ٹرمپ کا ایران پر معاشی پابندیوں کا اعلان جنگ میں شکست کا اعتراف ہے، پاسداران انقلاب
چیئرمین پی ٹی آئی نے کہا کہ امید ہے سپریم کورٹ جلد درخواست کی سماعت مقرر کرے گی۔بانی پی ٹی آئی کے حوالے سے بیرسٹر گوہر کا کہنا تھا کہ بانی پی ٹی آئی کوئی ڈیل نہیں کرتے۔ ان کے مطابق بانی پی ٹی آئی ہسپتال میں ایک منٹ بھی قیام نہیں کرنا چاہتے، صرف ضروری طبی ٹیسٹ کروانا چاہتے ہیں۔بیرسٹر گوہر نے کہا کہ اگر بانی پی ٹی آئی نے ڈیل کرنا ہوتی تو وہ تین سال جیل میں نہ کاٹتے۔
