پشاور ( پاک ترک نیوز) وزیراعلیٰ خیبر پختونخوا سہیل آفریدی نے حکومت کے خلاف توہین عدالت کی درخواست دائر کرنے کا اعلان کر دیا۔
سہیل آفریدی نے کہا کہ حکومت اور انتظامیہ کا گزشتہ روز کا رویہ درست نہیں تھا۔ اگر عدلیہ انصاف نہیں کرے گی اور اپنے فیصلے پر عمل درآمد نہیں کروا سکتی تو عام پاکستانی کہاں جائے گا۔وزیراعلیٰ خیبر پختونخوا نے سوال اٹھایا کہ حکومت اتنی ہٹ دھرمی کیوں کر رہی ہے۔انہوں نے کہا کہ عدالتی فیصلے پر عمل درآمد نہ کرکے صرف تین ججز کی نہیں بلکہ پوری عدلیہ کی توہین کی گئی ہے۔
سہیل آفریدی کا کہنا تھا کہ بانی پی ٹی آئی عمران خان کی صحت ٹھیک ہو یا نہ ہو، ججز کے فیصلے پر بہرحال عمل درآمد ہونا چاہیے تھا۔
یہ بھی پڑھیں: بانی پی ٹی آئی کی ہسپتال منتقلی کا معاملہ، وفاق کی سپریم کورٹ میں دوبارہ نظرثانی درخواست دائر
انہوں نے اعلان کیا کہ حکومت کے اس طرز عمل کے خلاف توہین عدالت کی درخواست دائر کی جائے گی۔
