بونیر ( پاک ترک نیوز) صدر استحکام پاکستان پارٹی اور وفاقی وزیر عبدالعلیم خان نے چیئرمین پی ٹی آئی بیرسٹر گوہر علی خان کی رہائش گاہ پر پہنچ کر ان کی والدہ کے انتقال پر اظہار تعزیت کیا۔
عبدالعلیم خان نے بیرسٹر گوہر علی خان سے ان کی والدہ کے انتقال پر دلی افسوس کا اظہار کیا اور مرحومہ کے ایصال ثواب کے لیے فاتحہ خوانی کی۔
وفاقی وزیر نے کہا کہ والدہ جیسی عظیم نعمت سے محروم ہونا زندگی کا بہت بڑا دکھ ہے۔ اللہ تعالیٰ مرحومہ کو جوارِ رحمت میں جگہ عطا فرمائے اور غمزدہ خاندان کو صبر جمیل دے۔
عبدالعلیم خان نے بیرسٹر گوہر علی خان اور ان کے اہل خانہ کے لیے صبر و استقامت کی دعا بھی کی۔
یہ بھی پڑھیں: بانی پی ٹی آئی سے بہنوں کی ملاقات بنیادی حق ہے، ریاست قانون کی خلاف ورزی نہیں کرسکتی، سپریم کورٹ
اس موقع پر بیرسٹر گوہر علی خان نے تعزیت کے لیے آمد اور حوصلہ بڑھانے پر عبدالعلیم خان کا شکریہ ادا کیا۔
