سہ فریقی سیریز: قومی ٹیم آج یو اے ای کے مدمقابل آئے گی

شارجہ ( پاک ترک نیوز) متحدہ عرب امارات میں کھیلی جا رہی سہ فریقی سیریز کے پانچویں میچ میں قومی ٹیم آج یو اے ای کے مدمقابل آئے گی۔
تفصیلات کےمطابق شارجہ میں جاری سہ فریقی سیریز میں پاکستان اور افغانستان چار چار پوائنٹس کے ساتھ بالترتیب پہلی اور دوسری پوزیشن پر ہیں۔
پاکستان کو فائنل میں جگہ پکی کرنے کے لیے آج لازمی فتح درکار ہے۔ شکست کی صورت میں کل افغانستان اور یو اے ای کے میچ پر انحصار کرنا ہوگا۔
یو اے ای کی ٹیم پہلی فتح کی تلاش میں آج قسمت آزمائی کرے گی۔ یو اے ای کو فائنل میں رسائی کے لیے اپنے دونوں میچز میں اچھے مارجن سے فتح حاصل کرنی ہوگی۔
یاد رہے کہ سہ فریقی سیریز کا فائنل سات ستمبر کو کھیلا جائے گا۔