تہران (پاک ترک نیوز )ایران کے سپریم لیڈر مجتبیٰ خامنہ ای نے اپنے والد شہید سید آیت اللّٰہ خامنہ ای کے قتل کا بدلہ لینے کا اعلان کردیا۔
تحریری بیان میں مجتبیٰ خامنہ ای نے کہا کہ سپریم لیڈر کے قتل کا بدلہ قوم کا مطالبہ ہے اور یہ ضرور لیا جائے گا، ان مجرموں سے شہید رہنما سمیت تمام شہداء کا بدلہ لینے کا عہد کرتے ہیں اور ذمہ داروں کو کسی صورت معاف نہیں کیا جائے گا۔
اپنے والد کی تدفین اور آخری رسومات کے اختتام پر جاری کیے گئے پیغام میں مجتبیٰ خامنہ ای نے ایران اور عراق میں کروڑوں افراد کی جانب سے شہید آیت اللّٰہ خامنہ ای کے جنازے میں شرکت پر اظہار تشکر کیا۔
