لاہور( پاک ترک نیوز) وزیر داخلہ محسن نقوی کی منصورہ آمد ہوئی ہے جہاں انہوں نے امیر جماعت اسلامی حافظ نعیم الرحمان سے ملاقات کی جس میں ملکی سیاسی، معاشی اور امن و امان کی صورتحال پر تفصیلی تبادلہ خیال گیا گیا۔
وزیر داخلہ محسن نقوی اور امیر جماعت اسلامی حافظ نعیم الرحما نے ایران امریکا مفاہمت کو خطے کے استحکام و امن کے لئے خوش آئند قرار دیا ۔حافظ نعیم الرحمان نے ایران امریکہ مفاہمت پر پاکستان کے مخلصانہ کردار کو سراہا۔
حافظ نعیم الرحمان نے کہاایران امریکا مفاہمت کے حوالے سے پاکستان کا تاریخی کردار ہمیشہ یاد رکھا جائے گا۔
وزیر داخلہ محسن نقوی نے ایران امریکا مذاکرات، حکومتی اقدامات پر امیر جماعت اسلامی کو اعتماد میں لیا،بولے وزیراعظم اور فیلڈ مارشل نے امن کے لئے ناقابل فراموش کردار ادا کیا،خطے میں کشیدگی کے خاتمے کا کریڈٹ پاکستان کو جاتا ہے۔
