لندن ( پاک ترک نیوز) فٹبال ورلڈکپ کھیلنے والی انگلینڈ ٹیم کا سامان چوری ہو گیا۔
برطانوی میڈیا کے مطابق کنساس سٹی میں آمد کے موقع پر انگلینڈ فٹبال ٹیم کے ٹریننگ کا سامان چوری ہو گیا۔
برطانوی میڈیا کے مطابق فٹبال ایسوسی ایشن چوری ہونے والے سامان کی تفصیلات جاننے کی کوشش کر رہی ہے، کھلاڑیوں کے ٹریننگ کے جوتے اور فٹبال چوری ہونے والے سامان میں شامل ہوسکتے ہیں۔
رپورٹس کے مطابق کنساس سٹی کے سووپ ساکر سٹی میں کھلاڑیوں کے سامان کو منتقل کرنے والی گاڑی کے تالے توڑ کر سامان چوری کیا گیا۔
برطانوی میڈیا کے مطابق انگلینڈ ٹیم کے کوچ سمیت کھلاڑی آج کنساس سٹی پہنچیں گے، ٹیم کی آمد سے قبل انکا سامان کنساس سٹی پہنچایا جانا تھا۔
برطانوی میڈیا کے مطابق فٹبال چوری کے شبے میں دو افراد کو گرفتار کیا جا چکا ہے۔
سامان چوری انگلینڈ کی کروشیا کے خلاف میچ کی تیاریوں کو متاثر کر سکتی ہے، انگلینڈ کی ٹیم اتوار کو اپنا پہلا ٹریننگ سیشن کرے گی۔
