اسلام آباد ( پاک ترک نیوز) پہلگام فالس فلیگ کےبعدبھارتی میڈیاکاپاکستان مخالف پروپیگنڈامحض من گھڑت بیانیےکوتقویت دینےکی ناکام اورشرمناک کوشش ،پہلگام ڈرامے کے بعد بھارتی میڈیا نے پیشہ ورانہ اقدارکو پسِ پشت ڈالتے ہوئےصحافت کےبجائےمودی سرکار کےجنگی ترجمان کا کردار ادا کیا۔
بھارتی میڈیااپنی نشریات کے ذریعے مسلسل جنگی جنون کو ہوا دیتے ہوئے جعلی خبروں کے ذریعے اپنےعوام کو گمراہ کرتا رہا۔پہلگام فالس فلیگ کے بعد ریپبلک ٹی وی کےاینکرارنب گوسوامی نےبھارتی حکومت کو جنگ کیلئےاکساتےہوئےپاکستان کوغزہ بنانے کا مطالبہ کیا۔
پہلگام ڈرامےکے بعدبھارتی میڈیا نےزمینی حقائق کوپسِ پشت ڈال کردوایٹمی طاقتوں کے مابین جنگی کشیدگی کو ہوادینے کی مذموم مہم جاری رکھی ،بھارتی اینکرزاپنے ٹی وی اسٹوڈیوزکو جنگی کمروں میں تبدیل کرکےخطے کاامن تباہ کرنےاور جنگی جنون پھیلانے پرتل گئے۔
کراچی پورٹ کوآگ لگانےاورمیزائل حملوں کی دھمکیاں دیکربھارتی میڈیانےاپنی ذہنی پسماندگی اورشدید عدم تحفظ کاثبوت دیا۔بغیرکسی ثبوت کےپاکستان پرالزامات عائد کرکےبھارتی میڈیا نےبین الاقوامی سطح پراپنی ساکھ اورپیشہ ورانہ وقارکوپرداؤپرلگادیا۔
یہ بھی پڑھیں: پہلگام فالس فلیگ کو ایک سال مکمل،بھارتی سکیورٹی فورسز کی ناکامی بے نقاب
پہلگام فالس فلیگ کےبعد بھارتی میڈیا انتقام اورجنگی تیاریوں کی گردان کرکےکشیدگی اورجنگی جنون کوفروغ دینےکےمذموم ایجنڈے پرکاربندرہا۔نام نہاد بھارتی دفاعی تجزیہ کار ریٹائرڈ جنرل جی ڈی بخشی بھارتی میڈیا پر بیٹھ کر جنگ کے شعلے بھڑکانے میں پیش پیش رہا۔
ماہرین کےمطابق اشتعال انگیزی اورجھوٹے بیانیے کے ذریعے پاکستان کونشانہ بنانا بھارتی میڈیا کی اخلاقی گراوٹ اورصحافتی دیوالیہ پن کاشرمناک مظہر ہے۔بھارتی اینکرزکی اشتعال انگیزگفتگواورجنگ کی دھمکیاں جنوبی ایشیاکےامن کوداؤپرلگانےوالاایک انتہائی غیرذمہ دارانہ فعل ہے ۔
