تہران ( پاک ترک نیوز)
ایران کے نئے سپریم لیڈر مجتبیٰ خامنہ ای کون ہیں ۔ ان کا پس منظر کیا ہے ، اور ایرانی سیاست میں ان کا کردار کس نوعیت کا سمجھا جاتا ہے؟ دیکھیے اس حوالے سے ہماری یہ خصوصی رپورٹ۔
مجتبیٰ خامنہ ای ایران کے طاقتور ترین رہنما علی خامنہ ای کے دوسرے بیٹے ہیں ،ان کی پیدائش 1969 میں ایرانی شہر تہران میں ہوئی ،دینی تعلیم ایرانی شہر قوم میں حاصل کی ، حوزۂ علمیہ سے وابستہ رہے ، 2009 میں احتجاجی تحریک کے دوران مجتبیٰ خامنہ ای کا نام سیاسی مباحث میں سامنے آیا ،، اگرچہ مجتبیٰ خامنہ ای نے کبھی کوئی بڑا سرکاری عہدہ نہیں سنبھالا، لیکن ایران کے سیاسی اور مذہبی حلقوں میں انہیں بااثر شخصیت سمجھا جاتا ہے۔،سیاسی مبصرین کے مطابق مجتبیٰ کو ایران کے طاقتور ادارے اسلامی انقلابی گارڈ کور کے قریب ترین سمجھا جاتا ہے
ایرانی صدر مسعود پزشکیان کا کہنا ہے نئے سپریم لیڈر کا انتخاب قومی اتحاد اور ارادے کی مضبوطی ہے، ایران کی نیشنل سکیورٹی کونسل کے سیکرٹری جنرل علی لاریجانی نے کہا موجودہ حساس حالات میں نیا لیڈر ملک کی رہنمائی کرسکتا ہے۔ ایرانی عوام کو نئے سپریم لیڈرکی قیادت میں متحد رہنا چاہیئے۔ ایران کی مسلح افواج کی قیادت کا نئے سپریم لیڈر سے وفاداری کا عہد ۔۔۔ پاسدارانِ انقلاب کا مجتبیٰ خامنہ ای سے اپنی مخلص اور تاحیات وفاداری کا اعلان ،نئے سپریم لیڈر کے انتخاب پر عوام کی طرف سے بھرپور خیر مقدم کیا گیا ، ایران کے مختلف شہروں میں نئے سپریم لیڈر کے حق میں ریلیاں نکالی گئیں۔
