امریکہ کا ایران پر 2000پائونڈ وزنی بنکر بسٹر بم سے حملہ

واشنگٹن ( پاک ترک نیوز) جنگ بندی کی عالمی کوششوں کے باوجود امریکا اور اسرائیل کے ایران پر حملے جاری ہیں۔
اصفہان میں گولہ بارود کے بڑے ڈپو کو نشانہ بنایا گیا،امریکی حکام نے کہا کہ اصفہان میں 2000 پاؤنڈ وزنی بنکر بسٹر بم استعمال کیے گئے۔
ایران کے دارالحکومت تہران میں دھماکے سنے گئے ،کئی علاقوں کی بجلی بند ہو گئی۔ادھر پاسداران انقلاب کی طرف سے خطے میں اسرائیل اور امریکی تنصیبات پر حملے کیے گئے ، پانچ فوجی اڈوں ،کمانڈ اینڈ کنٹرول مراکز،پائلٹوں کی کمین گاہوں کو نشانہ بنایا گیا ، تل ابیب،خلیج حیفہ اور دیگر مقامات پر حملے کیے گئے ۔
ایران نے دبئی پورٹ پر بڑے آئل ٹینکر پر حملہ کیا ہے جس کے بعد آئل ٹینکر میں آگ لگ گئی ، کویت نے انتباہ کیا ہے کہ متاثرہ آئل ٹینکر سے اردگرد کے پانیوں میں تیل کا اخراج ہوسکتا ہے۔