وزیراعظم اسلام آباد ہائیکورٹ میں طلب

اسلام آباد ( پاک ترک نیوز) پی ٹی اے ٹربیونل کے ممبر فنانس کی عدم تعیناتی۔۔۔وزیراعظم شہباز شریف اسلام آباد ہائی کورٹ میں ذاتی حیثیت میں طلب۔جسٹس محسن اختر کیانی نے ریمارکس دیئے وزیراعظم 18 مئی کو ذاتی حیثیت میں عدالت میں پیش ہوں،وزیراعظم آ کر بتائیں کہ ٹریبیونل کے ممبر فنانس کی تعیناتی کیوں نہیں ہوئی؟ پرنسپل سیکرٹری اور سیکرٹری کیبنیٹ بھی عدالت پیش ہوں، اسسٹنٹ اٹارنی جنرل نے دلائل دیئے ایک ریٹائرڈ جج ٹریبیونل کے ممبر تعینات ہوئے،جسٹس محسن اختر کیانی نے کہا ریٹائرڈ ججز نے زیادہ بیڑا غرق کیا ہوا ہے، ریٹائرڈ ججز کو ٹربیونلز میں جانے کا زیادہ شوق ہے۔
رات کو ان کو سیلوٹ یاد آتے ہیں تو وہ سونے نہیں دیتے، کسی کا دل چاہتا ہے تو این آر سی میں لگ جاتا ہے تو کوئی کسی اور ٹربیونل میں چلا جاتا ہے۔