پاکستان نے پہلگام  واقعے پر بھارتی الزامات مسترد کر دیئے

اسلام آباد (پاک ترک نیوز )پاکستان نے پہلگام واقعے سے متعلق بھارتی پروپیگنڈے اور بےبنیاد الزامات  مسترد کر دیئے ،ترجمان دفتر خارجہ طاہر حسین اندرابی  کا کہناہے پہلگام واقعے کو پاکستان سے جوڑنے کی بھارتی کوششیں قابلِ مذمت ہیں۔خطے میں امن کےلیے سفارتی کوششیں جاری ہیں، بھارت داخلی سیاسی مقاصد کےلیے جھوٹا بیانیہ گھڑ رہا ہے۔  آپریشن بنیان مرصوص کے بعد بھارت کے الزامات نئی مہم کا حصہ ہیں۔ بھارتی پروپیگنڈا اصل مسائل سے عالمی توجہ ہٹانے کی کوشش ہے۔ بھارت کا سندھ طاس معاہدہ معطل کرنے کا اقدام بین الاقوامی قانون کی خلاف ورزی ہے۔عالمی برادری بھارت سے ذمہ دارانہ رویہ اپنانے پر زور دے، امن و استحکام کی کوششوں کو سبوتاژ کرنے سے گریز کیا جائے۔