تہران (پاک ترک نیوز )ایران کے آرمی چیف میجر جنرل امیر حاتمی نے آبنائے ہرمزکو امریکی علاقہ قرار دینےکے ٹرمپ کے بیان پر سخت تنقیدکرتے ہوئےکہا ہےکہ ایسی باتوں پر مذاق کرنا بھی بڑی غلطی ہے، کیونکہ یہ ایران ہے، اس کے محافظ آپ کی ٹانگیں توڑ دیں گے۔
ایرانی میڈیا کے مطابق ایرانی آرمی چیف کا کہنا تھا کہ امریکی افواج کو عملاً یہاں سے نکال دیا گیا ہے اور اب انہیں خلیج، بحیرہ عمان یا آبنائے ہرمز میں داخل ہونےکی اجازت نہیں ہے۔
یجر جنرل امیر حاتمی نے مزید کہا کہ خطے میں امریکی فوجی اڈوں کو دوبارہ ان کی سابقہ پوزیشن میں واپس آنے کی اجازت نہیں دی جائےگی۔
ایرانی فوج کے کمانڈر انچیف میجر جنرل امیر حاتمی نے اعلان کیا ہے کہ کسی بھی حملہ آور امریکی فوجی کو پکڑنے یا ہلاک کرنے والی ایرانی شہری یا فوجی کو 30 ہزار ڈالر کا انعام دیا جائے گا جس کی فنڈنگ عوام کی جانب سے کی جائے گی۔
اپنے ایک بیان میں جنرل امیر حاتمی کا کہنا تھا کہ جو بھی ایرانی کامیابی کے ساتھ کسی بھی حملہ آور امریکی فوجی اہلکار کو پکڑے گا یا اسے موت کے گھاٹ اتارے گا اسے ایرانی عوام کی جانب سے 30 ہزار ڈالر کی انعامی رقم دی جائے گی۔
