نیویارک (پاک ترک نیوز)
بلجیئم کی جانب سے فلسطینی ریاست تسلیم کرنے والے ممالک کی فہرست میں شمولیت کا عندیہ مل گیا ہے ۔اقوامِ متحدہ میں فلسطین کے سفیر ریاض منصور نے اسے ایک تاریخی لمحہ قرار دیتے ہوئے امید ظاہر کی ہےکہ بلجیئم آج پیر کے روز فلسطین کو تسلیم کرنے کا اعلان کرے گا۔
اس اعلان کے بعد بلجیئم بھی برطانیہ، کینیڈا، آسٹریلیا اور پرتگال کے گروپ میں شامل ہو جائے گا۔ جنہوں نے کل باضابطہ طور پر فلسطین کو تسلیم کرنے کا اعلان کیا تھا۔ اور یہ روایتی طور پر اسرائیل کے حلیف ممالک کی پالیسی میں ایک تاریخی تبدیلی کی نمائندگی کرتا ہے۔ جبکہ یہ اعلان غزہ کے محاصرہ کی جنگ کے تقریباً دو سال بعد سامنے آیا ہے۔
اس اقدام پر اسرائیل میں سخت تنقید کی گئی۔ جہاں اسرائیلی وزیراعظم نیتن یاہو نے اتوار کو برطانیہ، آسٹریلیا اور کینیڈا کے رہنماؤں کے لیے ویڈیو پیغام میں کہا کہ فلسطینی ریاست نہیں بنے گی۔وہ اس سے قبل اقوامِ متحدہ میں مقابلے کا عہد کر چکے تھے اور ان کا کہنا تھا کہ فلسطینی ریاست کا قیام اسرائیلی ریاست کے وجود کے لیے خطرہ ہے۔
بلجیئم بھی فلسطین کو تسلیم کرنے والے ملکوں میں شامل
