ترکیہ کے وزیر خارجہ اور وزیر دفاع کی دفتر خارجہ آمد، اسحاق ڈار نے استقبال کیا

اسلام آباد(پاک ترک نیوز) ترکیہ کے وزیر خارجہ اور وزیر دفاع دفتر خارجہ اسلام آباد پہنچ گئے۔دونوں معزز مہمانوں نے نائب وزیراعظم اور وزیر خارجہ اسحاق ڈار سے ملاقات کی ۔
تفصیلات کے مطابق ترک وزیر خارجہ ہاکان فیدان اور وزیر دفاع یاشر گوولر کی دفتر خارجہ آمد پر نائب وزیراعظم اور وزیر خارجہ اسحاق ڈار نے معزز مہمانوں کا استقبال کیا۔
نائب وزیر اور ترکیہ کے وزیر خارجہ مشترکہ پریس کانفرنس بھی کریں گے۔
واضح رہے کہ معزز مہمان سرکاری دورے پر پاکستان میں موجود ہیں، ترک وفد کی وزیراعظم سمیت اعلیٰ سول اور عسکری حکام سے ملاقاتیں شیڈول ہیں۔
ترجمان دفتر خارجہ کا کہنا ہے کہ یہ دورہ پاکستان اور ترکیہ کے برادرانہ تعلقات کی عکاسی کرتا ہے۔