لاہور (پاک ترک نیوز )لاہور سے کراچی کے درمیان چلنے والی شالیمار ایکسپریس کو دوبارہ بحال کرنے کی تیاریاں شروع کر دی گئی ہیں۔
ذرائع کے مطابق شالیمار ایکسپریس کو عارضی طور پر بند کیا گیا تھا، قلعہ ستار شاہ اور مسن کالر کے ریلوے پل سیلابی پانی کے باعث متاثر ہونے کے بعد ٹرین آپریشن روک دیا گیا تھا۔
ذرائع کا کہنا ہے کہ شالیمار ایکسپریس کو لاہور سے براستہ ساہیوال کراچی تک چلانے کا فیصلہ کیا گیا ہے۔
شالیمار ایکسپریس پرائیویٹ سیکٹر کے تعاون سے چلائی جاتی ہے، ٹرین کی بحالی کا اعلان آئندہ چند روز میں متوقع ہے۔
تاہم محکمہ ریلوے کے مطابق شالیمار ایکسپریس کی بحالی کے حوالے سے تاحال کوئی حتمی فیصلہ نہیں کیا گیا۔
