لاہور (پاک ترک نیوز )وفاق کے بعد پنجاب میں بھی کفایت شعاری اور ایندھن بچت پالیسی ختم کر دی گئی ،کریانہ و گروسری سٹورز کے اوقات کار مزید ایک گھٹہ اضافہ کردیا ۔
نوٹیفکیشن کے مطابق کریانہ سٹور 10 نہیں اب 11 بجے بند ہوں گے، ڈیپارٹمنٹل سٹورز ،شاپنگ مالز، بازار اور مارکیٹیں رات 9 بجے بند ہوں گی۔
چیف سیکرٹری پنجاب کی طرف سے جاری نوٹیفکیشن کے مطابق شادی ہالز رات 10 بجے بند کرنے کے احکامات جاریکیے گئے ،ریسٹورنٹس، کیفے، سینما اور فوڈ آؤٹ لیٹس رات 11 بجے بند ہوں گے۔ٹیک اوے اور ہوم ڈیلیوری سروسز کو پابندیوں سے استثنیٰ حاصل ہے۔
نوٹیفکیشن کے مطابق پھل و سبزی فروش دکانیں بھی رات 11 بجے تک کاروبار کر سکیں گی ْہسپتال، کلینکس، میڈیکل سٹورز اور لیبارٹریز پابندیوں سے مستثنیٰ قرار دیئے گئے ۔پیٹرول پمپس، سی این جی اسٹیشنز اور الیکٹرک وہیکل چارجنگ اسٹیشنز کھلے رہیں گے
بیکریز، تندور، دودھ اور ڈیری شاپس پر نئے اوقات کار کا اطلاق نہیں ہوگا۔جمز، سپورٹس سہولیات اور پیڈل کورٹس کو بھی استثنیٰ دے دیا گیا۔آئی ٹی کمپنیوں اور کال سینٹرز کو کاروباری اوقات کی پابندی سے استثنیٰ دیا گیا۔
چیف سیکرٹری پنجاب نے نوٹیفکیشن فوری نافذ العمل کرتے ہوئے عملدرآمد یقینی بنانے کی ہدایت کر دی۔
