لاہور (پاک ترک نیوز ) پتنگ بازی کے شوقین ہو جائیں تیار۔ذرائع کے مطابق پنجاب حکومت نے آئندہ سال جنوری کے آخری ہفتے میں پنجاب بھر میں بسنت کا تہوار منانے کا فیصلہ کر لیا
ذرائع کا کہنا ہے کہ رواں سال اکتوبر سے پتنگوں اور ڈور کی تیاری اور پروڈکشن شروع کی جائے گی، جبکہ مخصوص مقامات پر پتنگ سازی کی اجازت دینے کے لیے انتظامی پلان بھی تیار کرلیا گیا ہے۔
پتنگوں اور ڈور کی قیمتیں کنٹرول میں رکھنے کے لیے خصوصی لائحہ عمل تشکیل دیا جائے گا، جبکہ بسنت کے تہوار کے انعقاد کے لیے پنجاب حکومت باقاعدہ قانون سازی بھی کرے گی۔
ذرائع کے مطابق پتنگ بازی کے حوالے سے حفاظتی اقدامات اور قواعد و ضوابط کو قانون کا حصہ بنایا جائے گا، جبکہ بسنت کے لیے نامزد مقامات اور دیگر قواعد و ضوابط کا اعلان بھی جلد کیا جائے گا۔
