مری (پاک ترک نیوز )مری میں مسلم لیگ (ن) کے صدر اور سابق وزیراعظم نواز شریف کی زیرِ صدارت اہم اجلاس ہوا، جس میں آزاد کشمیر میں حکومت سازی اور اہم عہدوں کے حوالے سے تفصیلی مشاورت کی گئی۔
ذرائع کے مطابق آزاد کشمیر کے نئے وزیراعظم کے لیے تین نام زیرِ غور ہیں، جن میں شاہ غلام قادر، چوہدری طارق فاروق اور راجا فاروق حیدر شامل ہیں۔
ذرائع کا کہنا ہے کہ شاہ غلام قادر آزاد کشمیر کی وزارتِ عظمیٰ کے مضبوط امیدوار قرار دیے جا رہے ہیں، تاہم حتمی فیصلہ نواز شریف کریں گے۔
ذرائع کے مطابق آزاد کشمیر کی پارلیمانی پارٹی نے وزیراعظم کے نام کا حتمی فیصلہ کرنے کا اختیار بھی نواز شریف کو دے دیا ہے۔
ذرائع کا کہنا ہے کہ نواز شریف آزاد کشمیر کے وزیراعظم کے ساتھ اسپیکر، ڈپٹی اسپیکر اور دیگر اہم عہدوں کے امیدواروں کا بھی فیصلہ کریں گے۔
مری اجلاس میں آزاد کشمیر میں حکومت سازی، کابینہ کی تشکیل اور اہم عہدوں کے لیے امیدواروں کے ناموں پر بھی تفصیلی مشاورت کی گئی۔
