لیسٹر شائر ( پاک ترک نیوز ) ورلڈ چیمئپن شپ آف لیجنڈز میں بھارتی ٹیم کی بدترین کاکردگی 4میچز کھیل کر صرف ایک پوائنٹ کے ساتھ آخری نمبر پر موجود ہے ۔ واحد ایک پوائنٹ پاکستان کیخلاف میچ کے بائیکاٹ کر کے حاصل کیا۔
ورلڈ چیمپئن شپ آف لیجنڈز (ڈبلیو سی ایل) 2025 میں انڈین چیمپئنز ٹیم کو سوشل میڈیا پر طنز کا سامنا کرنا پڑ رہا ہے۔ گزشتہ روز ڈبلیو سی ایل نے سوشل میڈیا پر لیگ میں حصہ لینے والی ٹیمز کا پوائنٹس ٹیبل شیئر کیا جس میں انڈین چیمپئنز فہرست کے آخر میں نظر آئے۔
واضح رہے انڈین ٹیم ٹورنامنٹ میں اب تک ایک میچ بھی نہیں جیت سکی اور ایک پوائنٹ وہ ہے جو انہیں پاکستان کے خلاف میچ نہ کھیلنے کی بنا پر ملا۔
چند روز قبل انڈین چیمپئنز نے پاکستان کے خلاف میچ کھیلنے سے انکار کیا تھا جس کی وجہ سے دونوں ٹیمز میں ایک ایک پوائنٹ برابر تقسیم کیا گیا۔
میڈیا رپورٹ کے مطابق انڈین کھلاڑی شکھر دھون سمیت دیگر نے انڈیا اور پاکستان کے درمیان کشیدہ سیاسی تعلقات کے باعث میچ کھیلنے سے انکار کیا جس کے بعد ورلڈ چیمپئن شپ آف لیجنڈز نے معذرت کرتے ہوئے میچ منسوخ کیے جانے کا اعلان کیا تھا۔
جہاں میچ منسوخ ہونے کے بعد پاکستان میں انڈین ٹیم کو ٹرول کیا گیا وہیں اب پوائنٹس ٹیبل کی صورتحال دیکھتے ہوئے سوشل میڈیا صارفین انڈین ٹیم پر طنز کرتے دکھائی دے رہے ہیں۔
ورلڈ چیمپئن شپ آف لیجنڈز ،بھارت پوائنٹس ٹیبل پر آخری نمبر پرموجود
