آر اےشمشاد
ویسے تو کسی بھی بلے باز کی جانب سے میچ کے دوران سنچری سکور کرنا بڑے اعزاز کی بات ہوتی ہے کیونکہ کسی بھی ٹیم کی جانب سے بلے بازکا سنچری کرنے کا مطلب ٹیم کی جیت میں اہم کردار ادا کرنا ہوتاہے ۔
دوسرا کسی بھی بلے باز کی جانب سے سنچری کرنے سے ٹیم کا مورال بلند ہو جاتا ہے اور اس سے حریف ٹیم پر دبائو بڑھ جاتا ہے۔ اگر سنچری کسی بھی بڑ ایونٹ کیں کی جائےتو اس کا لطف دوبالا ہو جاتا ہے ۔
ایشیا کپ 2025کا میلہ اپنی آب و تاب کے ساتھ جاری ہے ۔ ایشیا کپ میں اب تک 62سنچریاں سکورہو چکی ہیں ۔ مختلف ممالک کے 41بلے باز ایشیا کپ کے دوران سنچری کا کارنامہ انجام دے چکے ہیں۔
تاہم آج ہم اس کھلاڑی کی بات کرنے جا رہے ہیں جس نے ایشیا کپ میں پہلی سنچری سکور کی تھی ۔ ایشیا کپ میں پہلی سنچری سکور کرنیوالے کھلاڑی کا نام معین العتیق تھا جنہوں نے 1988میں ایشیا کپ کے دوران بنگلہ دیش کیخلاف پہلی بار تھری فیگر اننگر کھیلی تھی ۔ معین العتیق نے 105رنز بنائے تھے تاہم اسی میچ میں پاکستان کے مڈل آرڈر بلے باز اعجاز احمد نے بھی 124ناٹ آئوٹ کی دلکش اننگز کھیلی تھی ۔
https://www.youtube.com/shorts/tJKB7RkkRpU
ایشیا کپ کے دوران سب سے زیادہ سنچریاں سکورکرنے کا اعزازسری لنکا کے اوپننگ اور جارحانہ بلے باز سنتھ جے سوریاکے نام ہے جنہوں نے ایشیا کپ میں شرکت کرتے ہوئے 6ٹرپل فیگر اننگر کھیلی ہے ۔ اس کے بعد بھارت ویرات کوہلی کا نام آتا ہے جو5سنچریوں کے ساتھ دوسرے نمبر پر موجود ہیں ۔سابق بھارتی کپتان ویراہت کوہلی واحد بلے باز ہیں جنہوں نے ایشیا کپ کے ون ڈے اور ٹی ٹونٹی فارمیٹ دونوں میں سنچریاں سکور کر رکھی ہیں ۔بھارت 20سنچریوں کے ساتھ سرفہرست ہے ۔
