امریکا کا طرز عمل پیٹھ میں چھرا گھونپنے کے مترادف ہے ،ایرانی صدر

تہران ( پاک ترک نیوز) ایران کے صدر مسعود پزشکیان کا کہناہے امریکا کا طرز عمل پیٹھ میں چھرا گھونپنے کے مترادف ہے ، ایران نے امریکا کے ساتھ دو مرتبہ مذاکرات کیے، دونوں مواقع پر بات چیت کے ساتھ ساتھ ایران کے خلاف فوجی کارروائیاں بھی جاری رہیں ،فرانس کے صدر میکرون سے گفتگو میں ایرانی صدر نے کہا کسی بھی مؤثر مذاکرات کے لیے ضروری ہے کہ جنگ مکمل طور پر بند ہو اور ایران کو اس بات کی ضمانت دی جائے کہ مستقبل میں دوبارہ جارحانہ کارروائیاں نہیں ہوں گی۔
ایرانی صدر نے مزید کہا متحدہ عرب امارات پر کوئی حملے نہیں کیے، ایران کوئی کارروائی کرتا ہے تو فوج کھل کر اعلان کرتی ہے ،آبنائے ہرمز مکمل کھولنے کیلئے امریکا کو ناکہ بندی ختم کرنا ہو گی
فرانسیسی صدر نے جنگ بندی کے فریم ورک کی حمایت کرتے ہوئے مذاکرات آگے بڑھانے کیلئے مدد دینے کی پیش کش کی ،فرانسیسی صدر نے امریکا کی بحری ناکہ بندی اور لبنان پر اسرائیلی حملے جنگ بندی کی خلاف ورزی قرار دے دی ۔ میکرون کا کہناہے سے یو اے ای میں شہری انفراسٹرکچر پر حملوں پر تحفظات کا اظہار کیا ۔ ، فریقین کو آبنائے ہرمز کی ناکہ بندی ختم کرنی چاہیئے۔