ترکیہ یورو فائٹر معاہدے کو جلد از جلد حتمی شکل دینا چاہتا ہے،اردوان

انقرہ ( پاک ترک نیوز) ترکیہ کے صدر رجب طیب اردوان نے کہا کہ برطانیہ اور جرمنی نے ترکیہ کی جانب سے یورو فائٹر ٹائفون لڑاکا طیاروں کی ممکنہ خریداری پر "مثبت” موقف ظاہر کیا، اس بات پر زور دیا کہ انقرہ جلد از جلد حصول کو حتمی شکل دینا چاہتا ہے۔
ترکیہ اپنی فضائی قوت کو بڑھانے کے لیے 40 تک یورو فائٹرز حاصل کرنے کے لیے بات چیت کر رہا ہے۔ جیٹ طیارے جرمنی، برطانیہ، اٹلی اور اسپین کے کنسورشیم نے بنائے ہیں، جن کی نمائندگی کمپنیاں ایئربس، بی اے ای سسٹمز اور لیونارڈو کرتی ہیں۔
برطانیہ طیاروں میں فروخت میں تیزی لانے کیلئے تیار ہے جبکہ جرمنی کے علاوہ مینوفیکچرنگ شراکت داروں نے بھی حمایت کا اظہار کیا ہے ۔ واضح رہے کہ یہ معاہدہ کئی مہینوں سے تعطل کا شکار چلا آ رہاہے ۔
ترک جمہوریہ شمالی قبرص سے دوران پرواز میڈیا سے بات چیت کرتے ہوئے اردوان نے حوالے دیتے ہوئے کہاکہ برطانیہ اور جرمنی اس کیلئے مثبت انداز میں پہنچ رہے ہیں انشاء اللہ، مجھے یقین ہے کہ ہمیں اپنے جیٹ طیارے جلد از جلد مل جائیں گے۔
انہوں نے کہا کہ برطانوی وزیر اعظم کیئر سٹارمر اور جرمن چانسلر فریڈرک مرز کے ساتھ میری ملاقاتوں میں، میں نے دیکھا کہ انہوں نے بھی اس معاملے پر مثبت انداز میں رجوع کیا اور امید ہے کہ ہم یہ قدم اٹھائیں گے۔
اردوان نے گزشتہ ماہ سٹارمر اور مرز کے ساتھ نیٹو سربراہی اجلاس میں بات چیت کی تھی اور کہا تھا کہ اس معاملے پر "مثبت پیش رفت” ہوئی ہے۔