راولپنڈی ( پاک ترک نیوز) سہ ملکی سیریز کے دوسرے میچ میں کل سری لنکا اور زمبابوے کی ٹیمیں مد مقابل آئیں گی ۔
راولپنڈی میں کل ٹرائی نیشن سیریز کے دوسرے میچ میں سری لنکا کا جوڑ زمبابوے سے پڑے گا ۔پاکستانی وقت کے مطابق یہ میچ شام 6بجے شروع ہو گا ۔
گزشتہ روز افتتاحی میچ میں پاکستان نے زمبابوے کو شکست سے دو چار کیا تھا ۔
پاکستان نے ٹاس جیت کر پہلے بائولنگ کا فیصلہ کیا ۔ زمبابوے کی ٹیم مقررہ 20اوورز میں 8وکٹوں کے نقصان پر 147رنز بنائے تھے ۔زمبابوے کی جانب سے برینٹ نے 49جبکہ کپتان سکندر رضا نے 34رنز کی اننگز کھیلی ۔ پاکستان کی جانب سے محمد نواز نے دو جبکہ شاہین، سلمان،صائم اور ابرار نے ایک ایک وکٹ حاصل کی۔
جواب نے پاکستان نے مطلوبہ ہدف 5وکٹوں کے نقصان پر پورا کرلیا ۔پاکستان کی جانب سے فخر زمان نے 44جبکہ عثمان خان نے 37رنز سکور کئے ۔
زمبابوے کی جانب سے بریڈ ایونز نے دو جبکہ نگروا ،ٹینوڈا اور کریمر نے ایک ایک وکٹ حاصل کی ۔
واضح رہے کہ تین ملکی سیریز میں ہر ٹیم کا آپس میں 2مرتبہ آمنا سامنا ہو گا جبکہ سیریز کا فائنل 29نومبر کو کھیلا جائے گا ۔
