اسلام آباد ( پاک ترک نیوز) ملک کے بالائی علاقوں میں گرج چمک کے ساتھ بارش کا امکان ہے۔ محکمہ موسمیات نے اسلام آباد اور گردونواح میں آئندہ 24 گھنٹوں کے دوران بارش کی پیشگوئی کردی۔ کشمیر، گلگت بلتستان اور خیبرپختونخوا کے بالائی علاقوں میں بھی بادل برسنے کا امکان ہے، جبکہ پنجاب اور سندھ کے میدانی علاقوں میں بعض مقامات پر بارش کی پیشگوئی کی گئی ہے۔
محکمہ موسمیات کے مطابق آئندہ 24 گھنٹوں کے دوران کشمیر، گلگت بلتستان اور خیبرپختونخوا کے بالائی علاقوں میں مطلع جزوی طور پر ابر آلود رہنے کے ساتھ گرج چمک اور بارش کا امکان ہے۔
اسلام آباد اور گردونواح میں بھی بادل برسنے کی توقع ہے، جبکہ پنجاب کے میدانی علاقوں میں بعض مقامات پر بارش ہوسکتی ہے۔سندھ کے مختلف علاقوں میں بھی بارش اور بوندا باندی کا امکان ظاہر کیا گیا ہے۔لاہور میں بادلوں اور سورج کی آنکھ مچولی جاری ہے ،
کراچی میں موسم خوشگوار اور مطلع جزوی طور پر ابر آلود ہے۔ محکمہ موسمیات کے مطابق شہر میں مرطوب موسم کے ساتھ بعض مقامات پر بوندا باندی کا امکان ہے۔
یہ بھی پڑھیں: اسحاق ڈار اور کویتی وزیر خارجہ سے ٹیلی فونک رابطہ
کراچی میں آج کم سے کم درجہ حرارت 28 ڈگری سینٹی گریڈ ریکارڈ کیا گیا، جبکہ موجودہ درجہ حرارت 29 ڈگری سینٹی گریڈ ہے۔
شہر میں ہوا میں نمی کا تناسب 74 فیصد ریکارڈ کیا گیا، جبکہ جنوب مغرب سے ہوائیں 23 کلومیٹر فی گھنٹہ کی رفتار سے چل رہی ہیں۔
محکمہ موسمیات کے مطابق کراچی میں آج زیادہ سے زیادہ درجہ حرارت 32 ڈگری سینٹی گریڈ کے درمیان رہنے کا امکان ہے۔
