یورو فائٹرز طیاروں کیلئے قطر اور عمان بات چیت مثبت سمت میں جا رہی ہے،ترکیہ

انقرہ ( پاک ترک نیوز) ترکیہ کا کہنا ہے کہ یورو فائٹرز طیاروں کیلئے قطر اور عمان سے بات چیت مثبت سمت میں آگے بڑھ رہی ہے ۔
تفصشیلات کے مطابق ترک صدر رجب طیب اردوان نے کہا کہ انہوں نے خلیج کے علاقائی دورے کے دوران قطر اور عمان سے یورو فائٹر ٹائفون لڑاکا طیارے حاصل کرنے کے ترکیہ کے منصوبے پر بات چیت کی، انہوں نے مزید کہا کہ بات چیت اچھی جا رہی ہے۔
انقرہ نے اپنے یورپی اتحادیوں اور امریکہ کو تجویز دی ہے کہ وہ اپنی فضائیہ کی صلاحیتوں کو تقویت دینے کی کوشش کے ایک حصے کے طور پر 40 یورو فائٹر ٹائفون کے ساتھ ساتھ امریکی F-16 اور F-35s خریدنے میں دلچسی رکھتا ہے ۔
اس ہفتے کی رپورٹس نے اشارہ کیا ہے کہ ترک حکومت اپنی فوری ضروریات کو پورا کرنے کے لیے خلیجی ممالک سے سیکنڈ ہینڈ جیٹ طیاروں کا ذریعہ بھی حاصل کرنے کی کوشش کر رہی ہے۔
یہ اطلاعات اردوان کے کویت، قطر اور عمان کے دوروں کے دوران سامنے آئیں۔
اپنی واپسی کی پرواز پر صحافیوں سے بات کرتے ہوئے، اردوان نے کہا کہ ترکیہ قطر اور عمان دونوں کے ساتھ خریداری پر بات چیت جاری رکھے ہوئے ہے، اور یہ کہ بات چیت، جس میں "متعدد تکنیکی تفصیلات” شامل ہیں، "مثبت سمت” میں آگے بڑھ رہی ہیں۔