لاہور( پاک ترک نیوز) پنجاب میں امریکی طرز کی گاڑیوں کے رجسٹریشن سسٹم کو اپنانے کا امکان ہے۔
وفاقی دارالحکومت اسلام آباد کے ایکسائز اینڈ ٹیکسیشن ڈیپارٹمنٹ نے حال ہی میں امریکی طرز پر گاڑیوں کے رجسٹریشن نظام کو نافذ کیا ہے ۔
ذرائع کے مطاب پنجاب میں اسی طرح کی تیاریاں جاری ہے کہ گاڑیوں کی رجسٹریشن امریکی طرز پر کی جائے کیونکہ پنجاب میں گاڑیوں کی رجسٹریشن اور نمبر پلیٹس کے اجراء کے حوالے سے نئی تبدیلیاں لائی جا رہی ہیں۔
ایک رپورٹ کے مطابق محکمہ ایکسائز نے فیصلہ کیا ہے کہ نمبر پلیٹس اب براہ راست گاڑی کے مالک کے نام پر جاری کی جائیں گی، جب کہ گاڑی کے نیچے رجسٹرڈ پلیٹس کی اجازت نہیں ہوگی۔
محکمہ ایکسائز کے مطابق گاڑیوں کی رجسٹریشن کو اب مالک کی شناخت سے منسلک کیا جائے گا جس سے سیکیورٹی کو بہتر بنانے میں مدد ملے گی اور گاڑیوں کے مالکان کی شناخت میں آسانی ہوگی۔
موجودہ نظام کے تحت نمبر پلیٹ گاڑی کے ساتھ منسلک تھی۔ تاہم نئے نظام کے تحت اسے براہ راست مالک کے نام پر رجسٹر کیا جائے گا۔ اگر آپ اپنی گاڑی فروخت کرتے ہیں، تو آپ کو اپنی موجودہ نمبر پلیٹ کو ہٹا کر اسے رکھنا ہوگا، جبکہ نئے خریدار کو نئی نمبر پلیٹ حاصل کرنی ہوگی یا ذاتی نوعیت کے لیے درخواست دینا ہوگی۔
پنجاب میں امریکی طرز کی گاڑیوں کے رجسٹریشن سسٹم کو اپنانے کا امکان
