کراچی ( پاک ترک نیوز) سندھ کے وزیر شرجیل انعام میمن نے کہا ہے کہ بانی پی ٹی آئی علیل ہیں تو انہیں طبی سہولت ملنی چاہیے، سیاسی مخالفت اپنی جگہ لیکن ہم کسی کے بارے میں برا نہیں سوچتے اور بانی پی ٹی آئی کی صحت یابی کے لیے دعا گو ہیں۔
کراچی میں نیوز کانفرنس کرتے ہوئے شرجیل میمن نے کہا کہ کوئی بھی شخص قانون سے بالاتر نہیں، قانون سے بالا تر ہو کر کوئی فیصلہ نہیں کیا جاسکتا۔
انہوں نے نئے صوبوں کے معاملے پر کہا کہ نئے صوبے بنانے کا طریقہ کار آئین میں موجود ہے، اس حوالے سے فیصلہ پارلیمنٹ اور عوام نے کرنا ہے۔ پیپلز پارٹی اور سندھ حکومت کا اس معاملے پر مؤقف واضح ہے، سندھ کے عوام کو نئے صوبوں کے حوالے سے مایوس نہیں ہونا چاہیے۔
یہ بھی پڑھیں: نورین نیازی کو بانی پی ٹی آئی سے ملاقات کی اجازت مل گئی
شرجیل میمن نے ایم کیو ایم رہنماؤں کو تنقید کا نشانہ بناتے ہوئے کہا کہ اگر ان کے مطالبات پورے نہیں ہو رہے تو مصطفیٰ کمال اور خالد مقبول صدیقی وزارتوں سے استعفیٰ دے دیں۔ انہوں نے کہا کہ ایم کیو ایم رہنماؤں کی سیاست ختم ہو چکی ہے۔
