لاہور( پاک ترک نیوز) پشاور زلمی نے بابراعظم کی قیادت میں پاکستان سپر لیگ ( پی ایس ایل )سیزن 11کے فائنل میں حیدر آباد شکست دے کر ٹائٹل جیت لیا ۔
تفصیلات کے مطابق لاہور کے قذافی سٹیڈیم میں کھیلے گئے پی ایس ایل سیزن 11کے فائنل میں پشاور زلمی نے حیدر آباد کنگز مین کو پانچ وکٹوں سے شکست دے کر ٹرافی اپنےنام کیا ۔
پشاور زلمی نے حیدر آباد کی جانب سے دیا گیا 130رنز کا ہدف 5وکٹوں کے نقصان پر پورا کرلیا ۔پشاور زلمی کی جانب سے ایرون ہارڈی نے ففٹی سکور کی ۔عبداصمد 40رنز بنا کر آئوٹ ہوئے ۔
بابراعظم بغیر کوئی رن بنائے آئوٹ ہوئے ،محمد حارث 6سکور ہی بنا سکے ،کوشال مینڈس 9جبکہ بریسول 4رنز کے مہمان ثابت ہوئے ۔
حیدر آباد کی جانب سے محمد علی نے 2،عاکف جاوید اور حنین شاہ نے ایک ایک وکٹ حاصل کی ہے۔
قبل ازیں پی ایس ایل 11کے فائنل میں حیدر آباد کنگز مین نے پشاور زلمی کو جیت کیلئے 130رنز کا ہدف دیدیا۔حیدر آباد کنگز مین کی پوری ٹیم پشاور زلمی کیخلاف 129رنز بنا کر آئوٹ ہو گئی۔
پاکستان سپر لیگ کے بڑے معرکے میں پشاور زلمی کا حیدر آباد کنگز مین کیخلاف ٹاس جیت کر پہلے بائولنگ کا فیصلہ کیا ہے۔
حیدر آباد کی وکٹیں وقفے وقفے سے گرتی رہیں ، معاذ صداقت سب سے پہلے آئوٹ ہوئے انہوں نے 11رنز بنائے ۔ کپتان مارنس لبوشن 20رنز بنا کر پویلین لوٹ گئے ۔
عثمان خان 8رنز کے مہمان ثابت ہوئے ،عرفان خان نیازی ایک رنز بنا سکے ، میسکویل بغیر کوئی سکور بنائے پویلین لوٹ گئے ۔
کوشال پریرا صرف ایک رنز ہی سکور کر سکے جبکہ حسن خان 12رنز بنا کر آئوٹ ہوئے۔حنین شاہ 9، صائم ایوب 54جبکہ عاکف جاوید پانچ رنز بنا کر آئوٹ ہوئے ۔
پشاور زلمی کی جانب سے ہارڈی نے 4،ناہید رانا نے 2جبکہ سفیان مقیم اور باسط نے ایک ایک وکٹ حاصل کی ۔
پشاور زلمی میں ایک تبدیلی کی گئی ہے ناہید رانا کو پلیئنگ الیون میں شامل کیا گیا ہے جبکہ حیدر آباد کنگز مین میں کوئی تبدیلی نہیں کی گئی ۔
یاد رہے کہ پشاور زلمی نے اس سے قبل 2017میں ٹرافی اپنے نام کی تھی یہ اس کا دوسرا پی ایس ایل ٹائٹل ہے ۔
