آر اے شمشاد
پاکستان ٹی ٹونٹی کے بعد ایک روزہ سیریز بھی اپنے نام کرنے کیلئے تیار ہیں۔
پاکستان اور جنوبی افریقہ کے درمیان تین میچوں پر مشتمل سیریز کا دوسرا ایک روزہ میچ کھل کھیلا جائے گا ۔
دونوں ٹیمیں کل فیصل آباد کے اقبال سٹیڈیم میں دوسرےون ڈے میں مد مقابل آئیں گی ۔ پاکستانی وقت کے مطابق یہ میچ دن 3بجے شروع ہوگا ۔
پاکستان کو تین میچوں کی سیریز میں ایک صفر کی برتری حاصل ہے ۔ پہلے روزہ میچ میں پاکستان نے جنوبی افریقہ کو 2وکٹوں سے شکست سے دوچار کیا تھا ۔
جنوبی افریقہ نے پہلے کھیلے ہوئے 49.1اوورز میں تمام کھلاڑیوں کے نقصان پر 263رنز بنائے تھے ۔ پاکستان نے مطلوبہ ہدف 8وکٹوں کے نقصان پر 49.4اوورز میں حاصل کیاتھا۔
پاکستان کی جانب سے سلمان علی آغانے 63جبکہ فخر زمان نے 55رنز بنائے تھے ۔
جنوبی افریقہ کی جانب سے نگیڈی ،بوش اور فریرا نے دو دووکٹیں اپنے نام کی تھی ۔
واضح رہے کہ اس سےقبل پاکستان نے سائوتھ افریقہ کو تین ٹی ٹونٹی میچز کی سیریز میں دو صفر سے شکست دے کر سیریز اپنے نام کی تھی اور شاہین کل کے میچ میں فتح کے بعد ون ڈے سیریز بھی اپنے نام کرنے کیلئے پرعزم ہیں ۔
