لاہور (پاک ترک نیوز ) پاکستان اور آسٹریلیا کے درمیان تین میچوں پر مشتمل سیریز میں دوسرے ٹی ٹونٹی میچ میں بھی شکست سے دوچار کرکے سیریز جیت لی اور کلین سوئپ پر نظریں جمالیں ۔
تفصیلات کے مطابق لاہور میں کھیلے گئے دوسرے ٹی ٹونٹی میچ میں شاہینوں نے کینگروز کو شکست سے دوچار کر کے سیریز اپنے نام کرلی ۔
پاکستان نے ٹاس جیت کر پہلے بیٹنگ کا فیصلہ کیا ۔ مقررہ بیس اوورز میں شاہینوں نے 5وکٹوں کے نقصان پر 198رنز سکور کئے ۔ پاکستان کی جانب سے کپتان سلمان علی آغانے 76جبکہ عثمان خان نے 53رنز بنائے ۔
آسٹریلیا کی جانب سے ایڈم زمپا، سین ایبٹ نے ایک ایک وکٹ حاصل کی۔
کینگروز کی پوری ٹیم 199رنز کے ہدف کے تعاقب میں 15.4اوورز میں 108رنز بنا کر پویلین لوٹ گئی ۔
پاکستان کی جانب سے ابرار احمد اور شاداب خان نے 3،3کھلاڑیوں کو آئوٹ کیا ۔
واضح رہے کہ اس سے قبل پہلے ٹی ٹونٹی میچ میں پاکستان نے کینگروز کو 22رنز سے شکست سے دوچار کیا تھا ۔پاکستان اور آسٹریلیا کے درمیان تیسرا اور آخری ٹی ٹونٹی میچ کل کھیلا جائے گا ۔
