پاک بنگلہ دیش دوسرا ٹی ٹونٹی میچ آج کھیلا جائے گا

میر پور ( پاک ترک نیوز) پاکستان اوربنگلہ دیش کے درمیان تین میچوں پر مشتمل سیریز کا دوسرا ٹی ٹونٹی میچ آج کھیلا جائے گا ۔
پاکستان اور بنگلہ دیش کی ٹیمیں دوسرے ٹی ٹونٹی میچ میں آج میر پور شیر بنگلہ سٹیڈیم میں مد مقابل آئیں گی ۔ یہ میچ پاکستانی وقت کے مطابق شام پانچ بجے شروع ہو گا۔
میزبان ٹیم کو تین میچوں کی سیریز میں ایک صفر کی برتری حاصل ہے ۔
پہلے ٹی ٹونٹی میچ میں بنگال ٹائیگرز نے شاہینوں کو 7وکٹوں سے شکست سے دوچار کیا تھا ۔ پہلے ٹی ٹونٹی میں پاکستان نے پہلے کھیلے ہوئے 19.3اوورز میں پوری ٹیم کے نقصان پر 110رنز بنائے تھے ۔
بنگال ٹائیگرز نے 111رنز کا ہدف تین وکٹوں کے نقصان پر پورا کرلیا تھا ۔
جہاں پاکستان کرکٹ ٹیم ہلے میچ میں بیٹنگ کے فلاپ ہونے کے باعث دبائو کا شکار ہے تاہم شاہینوں کے سیریز میں واپسی کیلئے حوصلے بلند ہیں ۔ دوسری جانب بنگال ٹائیگرز اپنی جیت کا تسلسل برقرار رکھنے کیلئے ایڑی چوٹی کا زور لگائیں گے ۔
واضح رہے کہ سیریز کا تیسرا ٹی ٹونٹی میچ 24جولائی کو کھیلا جائے گا ۔